नेपाली नागरिकको विदेशमा मृत्यु भई शव तथा अस्तु नेपाल पठाउनुपर्ने अपनाउनुपर्ने प्रक्रृयाः
- नेपाली नागरिकको दुर्घटना/मृत्युबारे जापानको स्थानीय प्रहरीलाइ खवर गर्ने।
- नेपाली राजदूतावास र मृतकका नजिकैका आफन्तलाइ मृत्युको जानकारी गराउने ।
- यदी दूर्घटनाबाट मृत्यु भएको हो भने दूर्घटनाको जिम्मेबार पक्ष वा दूर्घटनाका विषयमा जापानको प्रहरीले छानविन अगाडि बढाएको बारेको पत्र तथा विमा कम्पनिको क्षतिपूर्ति सम्बन्धि विषय राजदूतावास तथा मृतकका परिवारजनलाई लिखित तथा मौखित रुपमा जानकारी गराउनुपर्ने ।
- जापानको सम्बन्धित स्थानीय निकायबाट जारी आधिकारीक मृत्यु प्रमाणपत्र¸ अस्पतालको प्रतिवेदन, Infection Free Certificate (if applicable), पोस्ट मोर्टम प्रतिवेदन, प्रहरी प्रतिवेदन र जापानमा दाहसँस्कार गरेको खण्डमा क्रिमेसन प्रमाणपत्र आदि प्राप्त गरी जापानको परराष्ट्र मन्त्रालयको Consular Affairs Bureau बाट प्रमाणित गराई अंग्रेजी भाषामा समेत अनुवाद गराउनुपर्ने । नेपालमा बैदेशिक रोजगार प्रवर्द्धन बोर्ड, बीमा कम्पनी, वडा कार्यालय लगायतका अन्य निकायमा पेश गर्नुपर्ने हुँदा उल्लिखित कागजातलाई शवसँगै पठाउनुपर्ने ।
- बैदेशिक रोजगार बोर्डबाट क्षेतिपूर्ति रकम पाउने भएमा सोको लागि नेपाली राजदूतावास, टोकियो मार्फत बैदेशिक रोजगार बोर्डमा समन्वय गर्ने ।
- मृतक कार्यरत कम्पनिले मृतकलाई नियमानुसारको तलव¸ अन्य सुविधा आदि दिन बाँकी रहेमा सो रकम, कम्पनिको तर्फबाट पाउने क्षेतिपूर्ती रकम, जापानको श्रम कानुन अनुसार सम्बन्धित बीमा कम्पनिबाट पाउने रकम मृतकका परिवारलाई कम्पनिले कहिले उपलव्ध गराउने सो बारेमा राजदूतावास तथा मृतकका परिवारजनलाई लिखित तथा मौखित रुपमा जानकारी गराउनुपर्ने।
- मृतकको साथमा रहेको इलेक्ट्रोनिक्स सामान, गरगहना, नगद वा अन्य जिन्सी सामाग्री वा निजको बैंक खातामा रहेको रकम नेपालमा रहेका मृतकका आफन्तलाई शव सँग पठाउन नसकिएको खण्डमा मुचुल्का तयार गरी जापानमा रहेका मृतकका आफन्तलाई जिम्मा लगाउने र सोको छाँयाप्रति दूतावासलाई उपलब्ध गराउने। उल्लिखित सामग्री नेपाल पठाउनको लागि राजदूतावासले सम्बन्धित निकायसँग समन्वय गरीदिने ।
- शव नेपाल झिकाउने सम्बन्धमा मृतकका परिवारबाट नेपालको सम्बन्धित वडा कार्यालय/कन्सुलर सेवा विभाग मार्फत मञ्जुरीनामा प्राप्त गर्ने ।
- मृतकका आफन्तलाई शव पुग्ने मिति¸ उडान तालिकाबारे समयमै सूचना दिई सम्बन्धित एयरलाइन्स कम्पनिको काठमाडौंस्थित कार्यालयमा गई शव बुझ्ने सहमति प्रदान गर्न सल्लाह दिने ।
- माथि भनिएका प्रक्रृया पुरा गरेपछि शव/अस्तु नेपाल फिर्ता पठाउन कुनै आपत्ति नभएको जनाउने पत्र दूतावासबाट जारी हुने ।
आवश्यक कागजातः
- शव/अस्तु नेपाल लैजान राजदूतावासलाई संबोधन गरी लेखिएको निवेदन ।
- शव/अस्तु नेपाल झिकाउने सम्बन्धमा मृतकका परिवारबाट प्राप्त मंञ्जुरीनामा वा नेपालको सम्बन्धित वडा कार्यालय/कन्सुलर सेवा विभागबाट प्राप्त सिफारिस पत्र ।
- मृत्यु वा दुर्घटनाका सम्बन्धमा प्रहरीको प्रतिवेदन, अस्पतालको प्रतिवेदन, पोष्टमार्टम प्रतिवेदन, Free of Infection Report (If applicable) र जापानमा दाहसँस्कार गरेको खण्डमा दाहसँस्कार प्रतिवेदन ।
- जापानको सम्बन्धित निकायबाट जारी मृत्यु प्रमाणपत्र ।
- मृतकको राहदानीको सक्कल तथा फोटोकपी ।
- मृतकको नागरिकताको फोटोकपी ।
- शव/अस्तु नेपाल लैजाने बुकिङ्ग गरिएको हवाई टिकट वा उडानको विवरण ।
- शव/अस्तु नेपाल लैजाने व्यक्तीको राहदानीको फोटोकपी ।
