आफ्नो नाममा दर्ता भएको वा आफ्नो स्वामित्वमा रहेको चल-अचल सम्पत्तीको विक्री वितरण-राजीनामा पास, हक हस्तान्तरण, लिखत रजिस्ट्रेसन पास आदि गर्न वा अदातमा मुद्दा दायर, फिराद प्रतिउत्तर वा वहस पैरवी गर्न आफ्नो तर्फबाट दोश्रो पक्षलाई (परिवारका सदस्य वा अन्य व्यक्ति) अख्तियारी दिई वारेशनामा प्रमाणीकरण गर्ने प्रयोजनका लागि पेश गर्नुपर्ने कागजात तथा पुर्याउनुपर्ने प्रकृयाः
१. कानून व्यवसायीद्वारा नेपाली कागजमा रीतपूर्बक तयार गरिएको अधिकृत वारेसनामा-२ प्रति र राजदूतावासलाई निवेदन-१ प्रति (वारेसनामाको कागजमा तयार गर्ने कानून व्यवसायीको प्रमाणपत्र नं उल्लेख गरी निज द्वारा सहिछाप तथा नेपालको अदालती प्रचलनमा रहेको कानुनी प्रक्रियाअनुसार २ जना किनारा साक्षी बस्ने व्यक्तिको नाम र हस्ताक्षर हुनुपर्ने ।)
२. अधिकृत वारेसनामा लिखतमा वारेश लिने व्याक्तिको फोटो टांस गरी सोमा ल्याप्चे र हस्ताक्षर गरेको हुनुपर्ने ।
३. वारिस दिने व्यक्तिको नागरिकताको प्रमाणपत्र र राहदानीको सक्कल तथा प्रतिलिपि एक/एक प्रति र वारिस लिने व्यक्तिको नागरिकताको प्रमाणपत्रको प्रमाणित प्रतिलिपि
४. अधिकृत वारेशनामाको विषय पुष्ठी गर्ने कागजात
- घरजग्गाको हक हस्तान्तरण तथा विक्री वितरणको लागि सोको स्वामित्व देखाउने प्रमाणपत्र जस्तै जग्गाधनी प्रमाणपुर्जाको प्रतिलिपि र तीरो तिरेको रसिद
- सम्बन्धविच्छेदको लागि गर्न विवाह दर्ताको प्रतिलिपी ।
- सवारी साधन विक्री वितरणको लागि व्लुबुक, बीमा तथा कर तिरेको रसिदको प्रतिलिपि ।
- सेयर विक्रि वितरणको हकमा सेयर पुष्ठी हुने कागजात ।
५. वारिस लिने दिने दुवैको हालसालै खिचिएको फोटा २ - २ प्रति ।
६. आवश्यकता अनुसार नाता प्रमाणित, मृत्यु दर्ता आदिको कागजात ।
७. अधिकृत वारेसनामा प्रमाणिकरणको लागि आवेदक स्वयं राजदूतावासमा उपस्थित भइ महामहिम राजदूत वा कार्यवाहक राजदूतको रोहवरमा सहीछाप गर्नुपर्नेछ ।