व्यक्तिगत घटना दर्ता (जन्म र मृत्यु दर्ता) सम्बन्धी सूचना ।

व्यक्तिगत घटना (जन्म र मृत्यु) दर्ता सम्बन्धमा नेपाली राजदूतावास, टोकियोको अत्यन्त जरुरी सूचना ।

विदेशस्थित नेपाली नियोगहरुबाट व्यक्तिगत घटना (जन्म तथा मृत्यु) दर्ता प्रकृया शुरुवात हुने सम्बन्धमा राष्ट्रिय परिचयपत्र तथा पञ्जिकरण विभागबाट मिति २०८०/११/१४ मा भएको परिपत्र बमोजिम यस राजदूतावासबाट यही मिति 2080 फागुन २१ गतेबाट व्यक्तिगत घटना (जन्म र मृत्यु) दर्ता  प्रारम्भ भएको व्यहोरा सम्बन्धित सबैमा जानकारीको लागि अनुरोध गरिन्छ ।

व्यक्तिगत घटना (जन्म र मृत्यु) दर्ताको लागि आवश्यक कागजात/तथा शुल्कः

• जन्म दर्ताः
  • बाबु वा आमाको नागरिकता प्रमाणपत्रको प्रतिलिपि।
  • बाबु वा आमाको राहदानीको प्रतिलिपि।
  • सूचकको नागरिकता प्रमाणपत्र र राहदानीको प्रतिलिपि।
  • स्वास्थ्य संस्था/अस्पतालबाट जारी जन्म प्रमाणपत्र र Maternity Child Book ।
  • जापानको सिटि अफिसबाट जारी जन्म दर्ताको प्रमाणपत्र (जापानको परराष्ट्र मन्त्रालयको Consular Affairs Bureau बाट प्रमाणित गराएर मात्र पेश गर्नुपर्ने) र सोको अंग्रेजी अनुवाद।
  • बच्चाको Zairyu Card को फोटोकपी।
  • बच्चाको बाबु आमाको विवाहदर्ताको फोटोकपी
  • रीतपूर्वक भरेको जन्मको सूचना फाराम (फाराम यसैसाथ संलग्न) वा अनलाइन पोर्टल मार्फत प्राप्त टोकन नम्बर।
  • अनलाइन आवेदन फारम लिंकमा गई सम्बन्धित घटना महलमा क्लिक गरी फाराम भर्न सकिने । यसरी फाराम भर्ने आवेदकले विवरण पेश भएपश्चात् स्क्रिनमा देखिने टोकन नम्बर अनिवार्य रुपमा साथमा लिएर आउनुपर्नेछ ।

• • दस्तुरः
    1.  बच्चा जन्मिएको ३५ दिन भित्र निःशुल्क ।
    2. ३५ दिन पश्चात् जापानी येन 4000.00 (अक्षरेपी चार हजार जापानी येन)।
    3. जन्मदर्ता प्रमाणपत्रको प्रतिलिपि निकाल्नुपरेमाः जापानी येन 5000.00 (अक्षरेपी पाँच हजार जापानी येन)।
• मृत्यु दर्ताः
  • मृतकको नागरिकता/नावालक परिचयपत्र र राहदानी प्रमाणपत्रको प्रतिलिपि।
  • सूचकको नागरिकता र राहदानीको प्रतिलिपि।
  • स्वास्थ्य संस्था/अस्पतालमा मृत्यु भएको भए उक्त संस्थाबाट जारी प्रतिवेदन।
  • जापानको सिटी अफिसबाट जारी मृत्यु प्रमाणपत्र (जापानको परराष्ट्र मन्त्रालयको Consular Affairs Bureau  बाट प्रमाणित गराएर मात्र पेश गर्नुपर्ने) र सोको अंग्रेजी अनुवाद।
  • रीतपूर्वक भरेको मृत्युको सूचना फाराम (फाराम यसैसाथ संलग्न) वा अनलाइन पोर्टल मार्फत प्राप्त टोकन नम्बर।
  • अनलाइन आवेदन फारम लिंकमा गई सम्बन्धित घटना महलमा क्लिक गरी फाराम भर्न सकिने । यसरी फाराम भर्ने आवेदकले विवरण पेश भएपश्चात् स्क्रिनमा देखिने टोकन नम्बर अनिवार्य रुपमा साथमा लिएर आउनुपर्नेछ ।
  • दस्तुरः
    1.  घटना घटेको ३५ दिन भित्र निःशुल्क ।
    2. ३५ दिन पश्चात् जापानी येन 4000.00 (अक्षेरेपी चार हजार जापानी येन)।
    3. मृत्यदर्ता प्रमाणपत्रको प्रतिलिपिनिकाल्नुपरेमाः जापानी येन 5000.00 (अक्षेरेपी पाँच हजार जापानी येन)।
• सूचक (जन्म र मृत्यु दर्ताको लागि राजदूतावासमा सूचना दिन सक्ने व्यक्ति);
  • जन्मको हकमा सम्बन्धित देशमा रहेका बच्चाको बाबु, आमा वा परिवारको १८ वर्ष पुगेको व्यक्ति।
  • मृत्युको हकमा बाबु, आमा, पति, पत्नी, छोरा वा छोरी वा निजहरुको अनुपस्थितिमा परिवारको १८ वर्ष उमेर पुगेको व्यक्ति।
• घटना दर्ता (जन्म र मृत्यु) को सूचना दिने तरिकाः
  • राजदूतावासको इमेल eontokyo@mofa.gov.np मार्फत घटना दर्ताको लागि appointment लिएर राजदूतावासले उपलब्ध गराएको मिति तथा समयमा तोकिएका कागजात सहित कानूनी रुपमा सूचना दिन योग्य (माथि उल्लिखित सूचक) व्यक्ति स्वय् राजदूतावासमा उपस्थित हुनुपर्नेछ ।